Er du læraren elevane hugsar?

Vi leitar etter deg som skaper engasjement, byggjer relasjonar og får elevane til å tru på seg sjølve. Du som veit at læring handlar om meir enn prøver og pensum – det handlar om menneske.

Me har ledig ei 100% fast lærarstilling ved Vågen oppvekstsenter. Ein triveleg 1.-7. skule med omlag 100 elevar. Skulen ligg i flotte omgjevnader, tett på både skog og sjø, me har og eit variert og inspirerande uteområde som blir aktivt brukt i løpet av skuledagen. 

Hos oss møter du:

• Ein engasjert og fagleg sterk kollegaflokk med høg trivsel.
• Elevgrupper mellom 15-20 elevar.
• Gode høve for uteundervisning og praktisk læring.

Kva får du jobba med hos oss?

• Planlegge, gjennomføre og evaluere variert og relevant undervisning.
  
• Vere med og skaper eit trygt, strukturert og inkluderande læringsmiljø der alle opplever meistring og læring.
• Samarbeider med kollega, leiinga og eksterne samarbeidspartar.
• Bidrar i skulen sitt arbeid med å skape fellesskap og fagleg utvikling.

Me kan tilby:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di. Som nyutdanna lærar vil du få ein eigen mentor.
• Kjekke tilsettgoder som blant anna gratis parkering.
• Frisk treningssenter i Ølen tilbyr bedriftsrabatt. 
• Moglegheit for å bli med i bedriftskunstlaget og kommunalt kor (KORe’ Vindafjord).
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.
  

Kvalifikasjonar:

• Godkjent lærarutdanning for grunnskule.
• Du må beherska godt norsk, både skriftleg og munnleg. Skriftspråket i kommunen er nynorsk.
• Andre med relevant erfaring kan og søkje, men da vil stilinga bli mellombels. 

Personlege eigenskapar:

• Kan arbeida sjølvstendig og samarbeida i laget rundt barnet.
• Er god på relasjonar med barn og vaksne.
• Er omsorgsfull, trygg og forutsigbar.
• Er løysningsorienter og systematisk.
• Bidrar positivt til det profesjonsfaglege felleskapet på skulen.

Personlege eigenskapar vil bli vektlagt.

Andre opplysningar:

• Det er eit krav om godkjent politiattest for den som tilsettes i stillinga.
• Det er eit krav om at ein fyller ut egenerklæringsskjema for tuberkulinstatus, før tiltredelse. 

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.