Kvalitetsutviklar

Me søkjer den rette personen til å vera kvalitetsutviklar i Etne - Vindafjord barnevernteneste.

Kvalitetsutviklar i barneverntenesta

Er du engasjert i barn og unge og vil ha ein meiningsfull og viktig jobb? Er du oppteken av struktur og fagutvikling? Vil du vera med å forme innsatsen kring sårbare barn og deira familiar? Me har ledig ei fast stilling 100% stilling som kvalitetsutviklar i Etne Vindafjord barnevernteneste frå 01.07.26.

Etne Vindafjord barnevernteneste er samansett av ulike team:

• Melding, undersøking og hjelpetiltak (MUT).
• Omsorg (oppfølging av barn i fosterheim og andre plasseringar utanfor heimen) og ettervern (oppfølging av ungdom mellom 18 og 25 år).
• Miljøarbeidarar (tiltak i form av oppfølging i heimen, oppfølging i ettervern og tilsyn under samvær)

Barneverntenesta mottek rettleiing og miljøterapeutiske tiltak frå Familieteamet i kommunen.

Som kvalitetsutviklar er du ein del av leiargruppa i tenesta, saman med einingsleiar og to fagleiarar.  

Hovudarbeidsoppgåver for kvalitetsutviklar vil vera:

• Ansvar for fagsystem og kvalitetssystem i tenesta. 
• Ansvar for oppfølgning av den faglege kvaliteteten. rutinar og fagutviklinga i tenesta.  
• Ansvar for rapporteringar (Statsforvaltar, SSB, tilstandsrapport, kompetanseplan) saman med leiar. 
• Delta i arbeidsgrupper, samarbeidsmøter og utviklingsprosjekter på vegne av tenesta. 
• Særskilt ansvar ved tilsyn. 
• Ansvar for internkontroll i alle team. 
• Opplæring av nytilsette høve fagsystem, rutinar og kvalitetsystem.  

I rolla som kvalitetsutviklar vil ein jobbe tett saman med leiargruppa og resten av tenesta, men samstundes ha gode føresetnadar for å jobbe målretta på eigehand. Ein må evne å kombinere kvalitetssikring av arbeidet samstundes som ein får fullført og sluttført arbeidet fortløpande.

Kvardagen i barneverntenesta er prega av varierte dagar, både i høve til arbeidsoppgåver og tidspress. Ein må trivast med eit høgt tempo og evne å strukturere sin eigen arbeidskvardag. Som ein del av leiargruppa i barneverntenesta må ein vera robust og ha fokus på sjølvivaretaking. Tenesta er opptekna av oppfølging av dei tilsette både i høve til deira faglege utvikling, oppfølging i sakene og personleg utvikling. Dette føregår i individuell rettleiing, fagmøte i tenesta, fagutvikling for team eller heile tenesta, og i fellesskapet med kollegaer.

Arbeidet utførast i hovudsak på dagtid, men nokon timar med ettermiddag/kveldsarbeid må påreknast.

Me treng nokon som evnar å jobbe målretta og som kan konkretisere og dokumentere arbeid og utvikling i saker. Barneverntenesta har ei omfattande dokumentasjonsplikt og ein må vera førebudd på kontinuerleg skrivearbeid som ein del av kvardagen, i alle roller.

Godt arbeidsmiljø er ein viktig føresetnad for å gjere ein god jobb, å gje god oppfølging til brukarane våre og å utvikle seg fagleg. Etne Vindafjord barnevernteneste mottok i 2024 arbeidsmiljøprisen for Vindafjord kommune og me jobbar målretta med å ha eit positivt og ivaretakande arbeidsmiljø.

Kvalifikasjonar: 

• Treåring høgskuleutdanning som barnevernspedagog eller sosionom. Andre relevant utdanningar kan vurderast. 
• Relevant vidareutdanning opp til 60 stp vil gje kompensetillegg opp til kr. 20 000,- per år.
• Gode kunnskapar innan barnevernfaget, relevante lovar og forskrifter.  
• Arbeidserfaring frå kommunalt barnevern.
• God skriftleg og munnleg fremstillingsevne på norsk. Kunne nytte nynorsk som skriftspråk.
• Førerkort klasse B. 
• Det må framvisast politiattest for å jobbe i barneverntenesta.

Personlege eigenskapar:

• Trygg og tillitsvekkande.
• Positiv og løysingsorientert.
• Evne til å jobba effektivt og strukturere eigen arbeidsdag.
• Evne til å jobbe sjølvstendig, men også vera ein del av eit fagleg team.
• Evne til nytenking, kritisk refleksjon og opptatt av personleg fagleg utvikling.
• Evne til å motivere for endring og å sjølv vera endrings- og utviklingsfokusert.
• Evne til samarbeid med familiar, samarbeidspartnarar og kollegaer.
• Ei god kollega og ei støtte for dine medarbeidarar.
• Opptatt av eit positivt menneskesyn og brukarmedverknad.

Personlege eigenskapar vil bli særleg vektlagt.

Me kan tilby:

• Eit kollegafellesskap som består av engasjerte og faglege sterke sosialarbeidarar som er opptekne av å gjere ein forskjell for familiane me jobbar med og for å skape ein god arbeidsplass.
• God opplæring over tid og tilbod om relevant fagleg påfyll og moglegheit for ulike former for kompetanseheving. Til dømes vidareutdanningar og ulike kurs og sertifiseringar.
• Tilhøyra i eit team der ein får drøfte faglege synspunkter og utfordringar, samt lære av kvarandre.
• Tett oppfølging frå kollegaer i kvardagen og jamleg individuell rettleiing, både i opplæringa og i arbeidskvardagen vidare.
• Ein fleksibel og variert arbeidskvardag, der ein får vera med å forma arbeidsdagane sjølv.

Som tilsett i Vindafjord kommune:

• Kjekke ansattgoder som blant anna gratis parkering og rimeleg mobilabbonement. 
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.