Helsefagarbeidarar

Me søker:

5-6 Helsefagarbeidarar til våre institusjonar i Vindafjord kommune. Me treng tilsette i demensomsorga, somatisk langtid, korttid/rehab eller natt- 80-100% stilling fast. Me kan tilby ein unik moglegheit for deg,- du kan velje mellom ulike arbeidstidsordningar! 

Om oss: 

Ølen omsorgssenter har 2 avdelingar: Somatisk langtid med 14 plassar og Korttid/rehabilitering med 13 plassar. Vindafjordtunet har demensomsorga fordelt på Nord og Sør- tilsaman 32 plasser og somatisk langtid med 14 plassar. Begge husa har kjøkkendrift. 
Begge hus har eigne nattevakter per i dag. Her går du enten inne på avdeling eller ute i natt patruljen. Det er ønskeleg å kombinera natt med to-delt, men du kan og gå rein nattevakts stilling. Som helsefagarbeidar på Ølen omsorgssenter eller Vindafjordtunet, vil du få utfordrande og spanande arbeidsdagar i lag med kjekke, kompetente kollegaer. Du vil få muligheit til å følja våre bebuarar tett og ha direkte innverknad på deira kvardag og livskvalitet. 

Vil du ha eit innblikk i kvardagen på institusjonane? Då kan du søka opp "Ølen omsorgssenter" og "Vindafjordtunet" på facebook! 

Me arbeidar med oppgåvedeling for å gi auka motivasjon til å vera i jobben, kjenne meistring knytt til profesjon og betre samhandling. Me har og servicemedarbeidar på begge hus og i alle avdelingar som er utover bemanning. Servicemedarbeidarane tek dei praktiske oppgåvene slik at du kan vera helsefagarbeidar. 

Hovudarbeidsoppgåver:

• Bidra direkte til å gi bebuarane våre ein veldig god plass å bu og gode tenester.
• Helsefaglege oppgåver som; kartlegging (NEWS bla), oppfølging, pleieplan, tiltak, medisiner mm.
• Rettleiing og tverrfagleg samarbeid.
• Bidra til eit godt arbeidsmiljø og kontinuerlig utvikling av tenestene våre.

Kvalifikasjonar:

• Norsk autorisasjon som helsefagarbeidar.
• Personar under utdanning som snarleg skal opp til fagprøve - oppfordrast også til å søkje. 
• God IKT kompetanse og erfaring med elektronisk pasientjournal.
• Gode munnlege og skriftlege norskkunnskapar.

Personlege eigenskapar:

• Du vil yte gode tenester i eldreomsorga.
• Har eit ynskje om å arbeide med menneske som har komplekse og varierande hjelpebehov.
• Har interesse for faget og held deg oppdatert.
• Positiv bidragsytar i arbeidsmiljøet, med bevissthet rundt korleis du sjølv påverkar kollegaene dine sin arbeidskvardag.
• Du søker heile tida etter forbetringar for både bebuarar og personell- er løysingsorientert.
• Evne til å arbeide sjølvstendig, systematisk og målretta.
• Du trives med til tider hektiske arbeidsdagar.
• Du er framoverlent og leitar etter gode tiltak for å gi gode tenester til bebuarane.
• Du er fleksibel og ser nytte av å arbeide på tvers av avdelingane.
• Du set pris på og arbeidar for eit godt miljø og stort samarbeidsklima der alle vert høyrt og respektert.
• Personlege eigenskaper vert vektlagt

Me kan tilby:

• Kompetanseheving med støtte frå arbeidsgivar
• Variert arbeid i eit positivt miljø
• Faglege utfordringar og utvikling som fagperson
• God opplæring og samarbeid med andre
• Fagdagar
• Felles lunsj kvar fredag med vaffler
• Gratis parkering!
• Ingen kø til eller frå jobb (mogleg ein traktor av og til men det går fint).
• Arbeidstidsordning som passar for DEG!
• Rabatt på treningssenter
• Bedriftskunstlag
• Kommunalt kor, KORe’ Vindafjord (www.korevindafjord.no)
• Gunstig mobilabbonement 
• Gode forsikrings- og pensjonsordningar (frå løna vert det trekt 2 % innskot til pensjonsordning)

Andre opplysningar:

• Det er eit krav om godkjent politiattest for den som tilsettes i stillinga.
• Det er eit krav om at ein fyller ut egenerklæringsskjema for MRSA og tuberkulinstatus, før tiltredelse. 

Lønsvilkår:

Løn etter gjeldande tariff og avtaleverk.

40 000,- over garantilønn for arbeid på natt.

10 000,- over garantilønn for arbeid dag/kveld. 

Arbeidstidsordningar:

- Ordinær dag/kveld

- Ordinær dag/kveld med langvakter på helg

- Langvaktsturnus

- Rein natt

- Kombinert kveld og natt om du ønskjer ( kun todelt ikkje tredelt)

- Begge hus har årsturnus med oppstart i februar kvart år.

Hjå oss vil me ha det høgt under taket med kort veg til engasjerte leiarar for dine idear. Me ønskjer at våre medarbeidarar skal ha muligheit for utvikling innan fag og interesse, at dei skal ha eit arbeid som motiverar og engasjerar. 
Ikkje nøl med å ta kontakt om du har spørsmål. Me er i utvikling og ynskjer å høyre frå deg som vil gjere ein forskjell i eldreomsorga.

Ved arbeid i barnehage, skule, barnevern, helse og omsorg, skal det leggast fram godkjent politiattest. Ved arbeid i barnehage, skule eller helse og omsorg skal det leggast fram godkjend dokumentasjon på tuberkulinkontroll før oppstart i jobb dersom du har budd eller opphalde deg i land med høg tuberkuloseførekomst i meir enn tre månadar. Personell i helse og omsorg legga fram helseopplysningsskjema i høve til MRSA.

Slik søker du: 

Vindafjord kommune tek berre i mot elektroniske søknadar. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.