Helsefagarbeidarar

To av våre dyktige helsefagarbeidarar skal gå av med pensjon og me søker derfor nye medarbeidarar til heimetensta indre sone.

Heimetenestene i Vindafjord kommune har basekontor i Ølen og Nedre Vats og me gjer helsetenester til brukarar som bur heime. Basekontoret til indre sone er på Ølen omsorgssenter og gjer tenester til heimebuande i Ølen, Ølensvåg, Bjoa, Sandeid, Vikedal og Imsland. 

Me ser etter to dyktige, fleksible og engasjerte helsefagarbeiderar til ein 80% og ein 100% fast stilling. Som helsefagarbeidar i indre sone vil du vera ein viktig ressurs i folks kvardag og bidra til at våre bruarar opplever tryggleik, sjølvstende, omsorg og meistring i eigen heim -lengst mogleg. 

 Kva får du jobba med hos oss? 

• Gi våre brukarar fagleg gode tenester. Hjå oss vil du møte heimebuande med ulike helseutfordringar, både akutte situasjonar og personar med kroniske sjukdomar som krev langsiktig handsaming.
• Helsefaglege oppgåver som: God pleie, medisinsk observasjon, planlegga og utføra tiltak, prosedyrar, medikament handtering, primærgruppearbeid, ressursoppgåver, miljøterapi med meir.     
• Opplæring og bruk av ulike velferdsteknologiske løysningar.
• Rettleiing og tverrfagleg samarbeid.
• Fagleg vekst og utvikling i eit godt og inkluderande arbeidsmiljø.

 Me kan tilby: 

• Ein jobb med meining og faglege utfordringar som vil gi deg vekst og utvikling.
• Arbeid med engasjerte kollegaer som ønske at du skal trivast og lukkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di.
• Kjekke tilsettgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord)
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.
• Årsturnus med vakter dag/kveld eller langvakter.
• Frå 2026 starte me opp med langvakter i turnus for tilsette som ønskje å prøve ut denne arbeidstidsordninga.

 Kvalifikasjonar: 

• Norsk autorisasjon som helsefagarbeidar. Er du fortsatt under utdanning, men forventer å være ferdig i løpet av våren 26, kan du og søke.
• Kandidatar med interesse for velferdsteknologi oppfordrast til å søka.
• Relevant vidareutdanning er ønskeleg.
• Du må beherska godt norsk, både skriftleg og munnleg. Skriftspråket i kommunen er på nynorsk.
• Sertifikat for personbil klasse B

 Personlege eigenskapar:  

• Er fagleg interessert og held deg oppdatert.
• Er ein pådrivar for å prøva ut velferdsteknologiske løysingar som eit vertøy.    
• Har pågangsmot og evne til å finna løysingar.
• Har eit ønske om å arbeida systematisk og målretta med menneske med komplekse og varierande hjelpebehov.
• Handterer utfordringar med ro og fagleg kompetanse.
• Er fagleg engasjert og opptatt av kvalitet i all pasient behandling
• Vil bidra positivt inn i vårt gode arbeidsmiljø.  
• Du er dyktig til å omstille deg etter situasjonane og har gode evner til å samarbeida på tvers av faggrupper og miljø.
• Arbeider konstruktivt, sjølvstendig og trivast med til tider hektiske arbeidsdagar.
• Er fleksibel og ser nytte av å arbeida på tvers av sonene.
• Trives med til tider hektiske dagar på jobb.

 Personlege eigenskapar vil bli vektlagt.

Andre opplysningar:

• Det er eit krav om godkjent politiattest for den som tilsettes i stillinga.
• Det er eit krav om at ein fyller ut egenerklæringsskjema for MRSA og tuberkulinstatus, før tiltredelse. 

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.