Spesialkonsulent søkes - med hjarte for oppvekst og hovud for løysingar!

Vår dyktige spesialkonsulent skal ut i permisjon, me søker derfor etter ein vikar i 80% stilling frå 1. desember 2025 til 25. oktober 2026. Som spesialkonsulent i oppvekst vil du få ansvar for spennande administrative oppgåver innafor analyse, utarbeiding av rapportar, journalføring, bestillingar og kontrollfunksjon innafor eige fagfelt. På Rådhuset vil du få kjekke kollegaer å samarbeida med.

Kva får du jobba med hos oss?

• Utarbeida rapportar og analyser, trekke konklusjonar og fremme løysingsforslag.
  
• Ansvar og sakshandsaming innafor delegerte rammer.
• Kontrollfunksjon innafor eige fagfelt.
• Rettleiing av leiarar og andre tilsette innafor det aktuelle fagområdet.
• Bidra i implementeringa av nye system og vera ein superbrukar.
• Scanning.
• Fakturering/refusjonar.
• Lønn/timelister.
• Oppfølging attestering av arbeidsavtalar/permisjonar/feriar.
• Oppfølging og bistå einingsleiarar med økonomi og budsjett.
• Andre oppgåver kan og tilfalle.

Me kan tilby:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Støtte og opplæring for å hjelpa deg å komma godt i gong i den nye rolla di.
  
• Kjekke tilsettgoder som blant anna gratis parkering og rabatt på treningssenter.
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk
  

Kvalifikasjonar:

• Relevant 3- årig høgskule/universitetsgrad. Relevant erfaring kan kompensere for utdanningskravet, stillinga vil da vera konsulent.
  
• Gode digitale ferdigheter.
• Du må beherska godt norsk, både skriftleg og munnleg. Skriftsspråket i kommunen er nynorsk.
  

Personlege eigenskapar:

• God til å samarbeida.
• God til å arbeida sjølvstendig.
• Godt humør som bidreg positivt inn i arbeidsmiljøet.
• Ønsker å lære nye ting og å tilføre organisasjonen kunnskap.
• Serviceinnstilt.

Personlege eigenskapar vil bli vektlagt.

Andre opplysningar:

• Det er eit krav om godkjent politiattest for den som tilsettes i stillinga.
• Det er eit krav om at ein fyller ut egenerklæringsskjema for tuberkulinstatus, før tiltredelse. 

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.