Konsulent servicetorg og kommunikasjon

Me søkjer ein nøyaktig og effektiv konsulent i 100% fast stilling ved avdeling kommunikasjon og service i Vindafjord kommune. Avdelinga sine ansvarsområder er servicetorg, arkiv og politisk sekretariat. Hos oss vil du få moglegheit til å jobba med varierte og spennande oppgåver, i ein avdeling som set samarbeid, kompetanseutvikling og trivsel høgt. Hovuoppgåvene vil vere knytta til sentralbord, servicetorg og kommunikasjon, men i stillinga inngår det og oppgåver innan dei andre fagfelta på avdelinga.

Kva får du jobbe med hos oss:

• Daglege driftsoppgåver i servicetorget.
• Sentralbordoppgåver.
• Booking av bilar og møterom.
• Bruke og utvikle digitale løysingar som gjer kvardagen enklare for innbyggjarane.
• Ha ansvar for leasingbilane til avdelinga og fylgje opp service på desse.
• Ha medansvar for publisering på heimesider, intranett og sosiale media.
• Valarbeid dei åra det er val.
• Medvirkning i vidareutvikling av rutinar innanfor kommunikasjonsområde.
• Andre arbeidsoppgåver som fell inn under avdelinga sine fagområder.

Me kan tilby:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di.
• Kjekke ansattgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord).
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

Kvalifikasjonar:

• Fagbrev i service- og administrasjonsfaget. Lang relevant erfaring kan kompensere for utdanningskrav.
• God kjennskap til relevant lovverk som offentleglova og forvaltningslova.
• Du må beherska godt norsk, både skriftleg og munnleg. Skriftspråket i kommunen er på nynorsk.
  

Personlege eigenskapar:

• Du likar å hjelpa - og gjer det med eit smil
• Du er god på data og digitale verktøy
• Du er strukturert, sjølvstendig og får ting gjort
• Du har gjerne erfaring frå servicetorg/innbyggjarservice og offentleg forvaltning

Personlege eigenskapar vil bli vektlagt.

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.