Reinhaldarar Vindafjordhallen symjehall

I 2025 opnar Vindafjord kommune ein heilt ny symjehall i Vats. Det er to basseng, sklie og flotte fellesområde, samt fasilitetar for tilsette. 

Me søkjer no reinhaldarar som skal bidra til trivsel for besøkande og at symjehallen skal bli ein god plass å vera. Du må like å jobbe i team og det er viktig å bidra der det trengs for å sikre god drift av symjehallen.

Me har behov for fleire stillingar og ber om at du i søknad spesifiserer kva stillingsprosent du ynskjer. Både heiltid og deltid er aktuelt. Me har også ute stillingar som badevakt ved Vindafjordhallen symjehall. Stilling som badevakt og reinhaldar kan kombinerast.

Kva får du jobba med hos oss?

• Utføre dagleg og periodisk reinhald
• Kjenne til og følgje gjeldande reinhaldsplanar
• Utføre vedlikehald av overflatar, til dømes golvpleie
• Førefallande arbeid

Me kan tilby:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di.
• Kjekke ansattgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord).
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

Kvalifikasjonar:

• Fagbrev eller anna kompetanse i reinhaldsfaget er ein fordel, men ikkje eit krav.
• Erfaring med reinhald er ein fordel, men ikkje eit krav, opplæring vert gitt.
• Du må beherska norsk, både skriftleg og munnleg. Skriftspråket i kommunen er på nynorsk.
  

Personlege eigenskapar:

• Du må vere løysingsorientert, pliktoppfyllande og fleksibel.
• Gode samarbeidsevner
• God arbeidskapasitet, og trivast i ein aktiv arbeidskvardag

Personlege eigenskapar vil bli vektlagt.

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.