Vernepleiar i skulen

Er du ein engasjert og fagleg sterk vernepleiar med hjartet for elevar si utvikling og meistring? Vi søkjer no etter ein dyktig miljørettleiar til ein spennande stilling i skulen.

Dette er eit vikartiat for skuleåret 2025/26, frå 01.08.25-31.07.26. Stillinga har ein lønnsprosent på 85%. Arbeidstid vil variera frå 0700-1630, og delvis i skulen sine feriar. 

Kva får du jobba med hos oss?

Som miljørettleiar i skulen vil du vere ein viktig ressurs for elevar med ulike behov. Du vil arbeide tett saman med pedagogar, assistentar og andre fagpersonar for å leggje til rette for ein inkluderande og tilpassa opplæring. Dine hovudoppgåver vil vere:

• Oppfølging og tilrettelegging for elevar som treng ekstra tilrettelegging.
• Samarbeid med skuleleiing, fagteam og heim.
• Rettleiing og opplæring av tilsette i tilpassa metodar og strategiar.
• Bidra til eit trygt og inkluderande læringsmiljø.

Me kan tilby:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Støtte og opplæring for å hjelpa deg å komma godt i gong i den nye rolla di.
  
• Kjekke tilsettgoder som blant anna gratis parkering og rabatt på treningssenter.
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.
  

Kvalifikasjonar:

• Autorisasjon som vernepleiar.
• Erfaring med arbeid innan opplæring og tilrettelegging for barn og unge.
• God kjennskap til lovverk og rettar innan spesialpedagogikk og tilpassa opplæring.
• Du må beherska godt norsk, både skriftleg og munnleg. Skriftsspråket i kommunen er nynorsk.
  

Personlege eigenskapar:

• Evne til å arbeide tverrfagleg og vere ein god lagspelar.
• Trygg i kommunikasjon med elevar, foresette og kollegaer.
• Fleksibel, løysingsorientert og engasjert.

Personlege eigenskapar vil bli vektlagt.

Andre opplysningar:

• Det er eit krav om godkjent politiattest for den som tilsettes i stillinga.
• Det er eit krav om at ein fyller ut egenerklæringsskjema for tuberkulinstatus, før tiltredelse. 

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.