Miljøterapeut i barneverntenesta (100% vikariat)

Er du miljøterapeut med eit ønskje om å gjere ein skilnad i kommunane våre?

I barneverntenesta arbeider me etter lov om barnevern og etter prinsippet om «barnets beste». Me har som overordna mål å gje rett hjelp til rett tid. I vår kvardag er me opptekne av å undersøke høva til born og unge i kommunen og tilby tiltak som kan avhjelpe bornet og familien sin situasjon. Me ønskjer å gje våre innbyggjarar i Etne og Vindafjord kommune dei beste forutsetningane for å lykkast!

Vindafjord kommune søkjer ein engasjert miljøterapeuter i 100% vikariat med tilsetjing omgåande og med tidsperspektiv fram til 01.03.26. Me søkjer nokon som har eit ønskje om å hjelpa andre, og som kan bidra til å skapa eit positivt miljø for våre brukarar. Me ser etter deg som er ein lagspeler og har eit positivt menneskesyn. Du er trygg og tillitsvekkande og evner å sjå gode løysningar. I kvardagen meistrar du å skape strukturerte, effektive dager, samstundes som du er oppteken av å yte og levere kvalitet. Som miljøterapeut er det ein avgjerande eigenskap å kunne danne relasjonar til både brukarar og samarbeidspartnarar.

I arbeiddet som miljøterapeut i barneverntenesta møter ein menneske i kriser og ein involverar seg i komplekse familiesituasjonar. Dette forutsett gode kommunikasjonsferdigheiter og evne til å handtere og tåle konflikter og sterke kjensler.

Etne Vindafjord barnevernteneste er samansett av ulike team, og miljøterapeutstillinga er ein del av tiltaksteamet som kallast miljøteamet. Kontaktperson (sakshandsamar) i ein av dei andre teama i tenesta utarbeidar bestillingar til miljøteamet som skildrar situasjonen til familien og målsettingar for den miljøterapeutiske oppfølginga.

Tenesta har fokus på oppfølging av dei tilsette både i høve til deira faglege utvikling, oppfølging i sakene og personleg utvikling. Dette føregår i individuell rettleiing, fagmøte i team, fagutvikling for team eller heile tenesta og i fellesskapet med kollegaer.

Me treng nokon som evnar å jobbe målretta og som kan konkretisere og dokumentere arbeidd og utvikling i saker. Barneverntenesta har ei omfattande dokumentasjonsplikt og ein må vera førebudd på kontinuerleg skrivearbeid som ein del av kvardagen.

Arbeidsoppgåver: 

• Endringsarbeid og rådgjeving til familiar i ulike livssituasjonar.
• Oppfølging av kompenserande tiltak i familiane.
• Gjennomføre individuell og gruppebasert praktisk oppfølging for brukarar som treng støtte.
• Oppfølging av saker som inneber samtaler med born, foreldre og observere samspel ved heimebesøk
• Tverrfagleg samarbeidsmøter med ulike instansar
• Skriftleg dokumentasjon av prosessar, tiltak og vurderinger 
• Tett kontakt med kontaktperson i barneverntenesta
• Arbeidet utførast i hovudsak på dagtid, men nokon timar ettermiddag/kveldsarbeid må påreknast vekentleg. Helgearbeid vil ikkje foregå på fast basis, men i enkelte saker kan det vera behov for at ein også må gje oppfølging i helg. 

Kvalifikasjoner: 

• Treårig høgskuleutdanning, fortrinnsvis bachelor i barnevern eller sosionom. Andre utdanningar kan vurderast.
• Erfaring frå arbeid med barn og familier i barnevernstenesta vil vera ein fordel
• God formidlingsevne i norsk munnleg og skriftleg
• Førarkort klasse B
• Personlege kvalifikasjonar vil bli særskilt vektlagt.
• Du må beherska godt norsk, både skriftleg og munnleg. Skriftspråket i kommunen er på nynorsk. 
• Det må framvisast politiattest for å jobbe i barneverntenesta.

Personlege eigenskapar:

• Trygg og tillitsvekkande.
• Positiv og løysingsorientert.
• Evne til å jobba effektivt og strukturere eigen arbeidsdag.
• Evne til å jobbe sjølvstendig, men også vera ein del av eit fagleg team.
• Evne til nytenking, kritisk refleksjon og opptatt av personleg fagleg utvikling.
• Evne til å motivere for endring og å sjølv vera endrings- og utviklingsfokusert.
• Evne til samarbeid med familiar, samarbeidspartnarar og kollegaer.
• Ei god kollega og ei støtte for dine medarbeidarar.
• Opptatt av eit positivt menneskesyn og brukarmedverknad.

Personlege eigenskapar vil bli vektlagt.

Hjå oss får du:

• Ein spennande stilling i ein kommune som har fokus på å gje god oppfølging til våre tilsette.
• Du vil få moglegheita til å jobba med utfordrande, meiningsfylte oppgåver. 
• Fleksibel og variert arbeidskvardag, der ein får vera med å forma arbeidsdagane sjølv
• Ein arbeidsplass med godt kollegafelleskap med stor trivnad og godt humør
• Sterkt fagmiljø med engasjerte kollegaer
• God opplæring og moglegheit for ulike former for kompetanseheving
• Konkurransedyktig løn innanfor fagområde
  

Som tilsett i Vindafjord kommune får du:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Støtte og opplæring for å hjelpa deg å komma godt i gong i den nye rolla di.
• Kjekke ansattgoder som blant anna gratis parkering og rabatt på treningssenter.
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.