Dagleg Leiar Symjehall

I 2025 opnar Vindafjord kommune ein heilt ny symjehall i Vats. Det er to basseng, sklike og flotte fellesområde, samt fasilitetar for tilsette. Vi søkjer no ein engasjert, franoverleint og strukturert leiar som kan sikre eit trygt og imøtekommande miljø i symjehallen.

Stillinga vil vera plassert innan rammeområdet Samfunnsutvikling, under eining for kommunaltekniske tenester.

Kva får du jobba med hos oss?

• Sikre god drift av symjehallen innanfor gjeldande rammer
• Følgje opp daglege arbeidsoppgåver innan mellom anna tryggleik, kundebehandling , billettsal og reinhald
• Personalleiing for badevaktane
• Utarbeide turnusar og bemanningsplanar
• Marknadsføring av anlegget
• Badevakt
• Sikre god samhandling med Vindafjordhallen SA

Me kan tilby:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di.
• Kjekke ansattgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord).
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

Kvalifikasjonar:

• Relevant høgare utdanning er ønskeleg, men ikkje eit krav. 
• Leiarerfaring er ein fordel
• Gode symjeferdigheter
• Grunnleggande livredning og førstehjelp
• Du må beherska godt norsk, både skriftleg og munnleg. Skriftspråket i kommunen er på nynorsk.
  

Personlege eigenskapar:

• Evne til å skapa engasjement og positiv blest kring symjehallen 
• Evne til å planleggja og strukturere drift av symjehallen
• Evne til å skapa trivsel hos både brukare og kollegaer 
• Gode samarbeidsevner

Personlege eigenskapar vil bli sterkt vektlagt.

Stillinga er 50 % fast. 

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.