Planleggjar

Vindafjord kommunen sin visjon er å vera Vital og Sentral, og kommunen sine satsingsområde er berekraftig kommune, attraktive lokalsamfunn og framtidsretta tenester - gode liv og livslang læring. For å innfri på desse satsingsområda, er det avgjerande med god og langsiktig planlegging. Som planleggjar i Vindafjord kommune vil du få ei sentral rolle i å forma framtidas Vindafjord.

Stillinga er 100 % fast og vil vera plassert i stab under kommunalsjef, innan rammeområdet samfunnsutvikling.

Ansvar og oppgåver

• Utarbeida kommuneplan, reguleringsplanar og tematiske planer
• Rettleia private forslagsstillarar, kvalitetssikra og saksbehandla private reguleringsplanar 
• Koordineringsarbeid for overordna planar på tvers av einingar i kommunen
• Førebu og leggja fram saker for politiske utval
• Rettleiing for innbyggjarar innan fagområdet

Stillinga kan bli tillagt andre oppgåver innan rammeområdet.

Me søker deg som har:

• erfaring innan planarbeid og god kjennskap til plan- og bygningslova
• relevant høgare utdanning
• evne til å planleggja og strukturera eige arbeid
• gode munnlege kommunikasjonsevner og evne til å formidla komplekse samanhengar på ein lettfatteleg måte
• god skriftleg framstillingsevne på nynorsk
• evne til å skapa engasjement hjå dine kollegaer
• gode samarbeidsevner
• forståing for offentleg forvaltning og arbeid i spennet mellom politikk, administrasjon og publikum
• gode datakunnskapar, ynskjeleg med kompetanse innan geografiske informasjonssystem (GIS)
• førarkort klasse B

Kandidatar som ikkje fullt ut oppfyller dei formelle krava til utdanning, men har relevant praksis og erfaring, kan bli vurderte til stillinga.

Personlege eigenskapar vil bli vektlagt.

Me kan tilby:

• Variert arbeid i eit positivt miljø
• Faglege utfordringar og utvikling som fagperson
• God opplæring og samarbeid med andre
• Rabatt på treningssenter
• Tilbod om gunstig mobilabonnement
• Bedriftskunstlag
• Kommunalt kor, KORe’ Vindafjord (www.korevindafjord.no)
• Gode forsikrings- og pensjonsordningar (frå løna vert det trekt 2 % innskot til pensjonsordning)

Som tilsett i Vindafjord kommune, får du og ein god balanse mellom jobb og privatliv.

Lønsvilkår:

Konkurransedyktig løn etter gjeldande tariff og avtaleverk.

Arbeidsstad vil vera Rådhuset i Vindafjord, Rådhusplassen 1, 5580 Ølen, samt Teknisk Bygg i Sandeid, Østbøvegen 2, 5585 Sandeid.

Om rammeområdet samfunnsutvikling

Rammeområdet samfunnsutvikling består av einingane areal og forvaltning, kommunaltekniske tenester, reinhald og kultur og læring. I tillegg kjem overordna ansvar for næringsutvikling, plan og planstrategi, samferdselssaker, folkehelsearbeid, større byggjeprosjekter og strategisk kjøp og sal av eigedom. Stillinga vil vera fagleg tilknytt eining for areal og forvaltning. Eining areal og forvaltning dekker fagområda plan, byggjesak (inkl. deling), oppmåling/matrikkelføring/kart, landbruk (jord- og skogbruk), vilt- og fiskeforvaltning, adressering, eigedomsskatt, avløp, og forureining frå landbruk. Eininga har og arbeidsoppgåver knytt til forvaltning av vatn (ferskvatn og fjordar) gjennom vassområdeforvaltninga (både i Rogaland og i Vestland).

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.